قاضی احمد رپورٹ:سائين بخش لاکھو
نواب شاہ کے افضال ٹاؤن کی رہائشی مسکان ڈونگرانی نے اپنے شوہر، قاضی احمد کی شیر محمد کالونی کے رہائشی شہباز علی انڑ کے ہمراہ صحافیوں سے گفتگو کرتے ہوئے کہا کہ تقریباً آٹھ ماہ قبل دونوں خاندانوں کی رضامندی سے لال قلعہ شادی ہال، نواب شاہ میں ان کی منگنی ہوئی تھی، جس میں دونوں خاندانوں کے رشتہ دار اور برادری کے افراد بڑی تعداد میں شریک ہوئے تھے۔مسکان کے مطابق کچھ عرصے بعد ان کے سسرال والوں نے رخصتی کی درخواست کی، تاہم ان کے اہلِ خانہ نے بار بار انکار کیا۔ انہوں نے الزام عائد کیا کہ اس دوران انہیں مبینہ طور پر تشدد کا نشانہ بنایا گیا اور ان کا موبائل فون بھی چھین لیا گیا۔انہوں نے مزید بتایا کہ تین روز قبل موقع ملنے پر وہ گھر سے نکل کر شہباز علی انڑ کے ساتھ نواب شاہ کی عدالت میں قانونی نکاح کر چکی ہیں، جس کے بعد دونوں دربدری کی زندگی گزارنے پر مجبور ہیں۔مسکان ڈونگرانی نے الزام لگایا کہ ان کے والد، بھائی اور ماموں انہیں، ان کے شوہر اور سسرال والوں کو جان سے مارنے کی دھمکیاں دے رہے ہیں۔مسکان ڈونگرانی اور شہباز علی انڑ نے ایس ایس پی شہید بینظیر آباد، ایس ایچ او قاضی احمد اور بی سیکشن تھانے کی پولیس سے اپیل کی ہے کہ انہیں قانونی تحفظ فراہم کیا جائے تاکہ وہ بلا خوف و خطر اپنی زندگی گزار سکیں