سیالکوٹ (سلیم احمد اعوان شیخو)
ریسکو 1122 کی بروقت کارروائی سے پولیس اہلکار کی جان بچا لی گئی۔بتایا گیا ہے کہ اوور ہیڈ برج کی چڑھائی و ڈیڈ ہاؤس اور خواجہ صفدر میڈیکل کالج کے قریب ڈیوٹی پر جانے والا پولیس ملازم ہارٹ اٹیک کے باعث بے ہوش ہو گیا تو وہاں سے گزرنے والے موٹرسائیکل ایمبولینس ریسکیور نے فوری طور پر پولیس ملازم کی سی پی آر شروع کر دی تو ریسکو ایمبولینس بھی آ گئی تو اس کے عملے نے بھی پولیس ملازم کی ایمبولینس میں منتقلی کے دوران سی پی آر جاری رکھی۔ بروقت طبی امداد کے نتیجے میں پولیس ملازم کی سانس بحال ہو گئی۔ مریض کو مزید علاج کے لیے گورنمنٹ علامہ اقبال میموریل ٹیچنگ ہسپتال منتقل کر دیا گیا۔یہاں وہ زیرِ علاج ہے۔ ریسکو 1122 کے بروقت ریسپانس نے ایک قیمتی جان بچا لی۔