دیربالا (بیورو چیف ریاض ابوالخیل)
دیر بالا: انسپکٹر جنرل آف پولیس خیبر پختونخوا ذوالفقار حمید اور ریجنل پولیس آفیسر ملاکنڈ سید فدا حسن شاہ کے وژن اور احکامات کی روشنی میں ضلع دیر بالا پولیس میں مزید 05 نوجوانوں کی بھرتی کا عمل مکمل کر لیا گیا۔ ڈسٹرکٹ پولیس آفیسر دیر بالا اسلم نواز نے کامیاب امیدواروں میں تقرر نامے تقسیم کرتے ہوئے انہیں ضلع دیر بالا پولیس کا حصہ بننے پر مبارکباد دی۔اس موقع پر ڈی پی او دیر بالا اسلم نواز نے کہا کہ نئے بھرتی ہونے والے جوان ایک بہادر، پیشہ ور اور عوام دوست فورس کا حصہ بن چکے ہیں، لہٰذا وہ دیانتداری، فرض شناسی اور عوامی خدمت کے جذبے کے ساتھ اپنے فرائض انجام دیں۔ انہوں نے ہدایت کی کہ عوام کے ساتھ خوش اخلاقی اور پیشہ ورانہ رویہ اپناتے ہوئے قانون کی بالادستی اور امن و امان کے قیام کے لیے بھرپور کردار ادا کریں۔