شیخوپورہ (رپورٹ اسامہ طفیل )۔روٹھی ہوئی بیوی کو منانے کے لیے جانے والے نوجوان کو سسرالیوں نے مبینہ طور پر پیٹرول چھڑک کرموت کے گھاٹ اتار دیا تھانہ اے ڈویژن پولیس نے مقتول رضوان مسیح کی لاش ضروری کاروائی کے لیے مردہ خانہ منتقل کرکے فرار ملزمان کی گرفتاری کیلئے ٹیمیں تشکیل دے دی تاحال کسی بھی ملزم کی گرفتاری عمل میں نہ لائی جاسکی مقدمہ مدعی عدنان مسیح کے مطابق 26سال مقتول بھائی رضوان کی شادی خالد روڈ کی رہائشی سحرش سے ہوئی دونوں میاں بیوی میں بلا اجازت سسرال جانے اور زبان درازی کی وجہ سے جھگڑا ہوتاتھا وقوعہ کے روز جب ہم ہنسی خوشی سحرش کو لینے کے لیے اسکے گھر خالد روڈ پہنچے تو ملزمان سے تلخ کلامی ہوگئی طیش میں آکر ملزمان آصف، سونو، گولا، نادر اور مقتول کی اہلیہ سحرش نے پیٹرول ڈالکر بھائی کو آگ لگا دی جس کو تشویشناک حالت میں ڈی ایچ کیو ہسپتال شیخوپورہ کی ایمرجنسی میں منتقل کیاگیا70فیصد جسم کے مختلف اعضاء متاثر ہونے پر مضروب رضوان کو لاہور جنرل ہسپتال منتقل کیا گیا جہاں پر ایک ہفتہ موت وحیات کی کشمکش میں مبتلا رہنے کے بعد رضوان جاں بحق ہوگیا اے ڈویژن پولیس نے مختلف پہلوؤں سے تفتیش کا آغاز کردیا ۔
شیخوپورہ:روٹھی بیوی منانے کیلئے آنیوالے نوجوان کو سسرالیوں نے زندہ جلادیا
