شہدادپور (رپورٹ: امیر حیدر)
شہدادپور کے نواحی علاقے ملدسی روڈ پر واقع گاؤں فضل خان باگراںی میں محرم الحرام کے سلسلے میں مجلسِ عزا اور نوحہ خوانی کا پروگرام نہایت عقیدت و احترام کے ساتھ منعقد کیا گیا۔ اس موقع پر اہلِ بیتؑ سے محبت رکھنے والے عزاداروں نے بڑی تعداد میں شرکت کرکے حضرت امام حسینؑ اور شہدائے کربلا کو خراجِ عقیدت پیش کیا۔
تقریب میں گاؤں غلام حیدر باگراںی کے قافلے، انجمن وفائے غلام عباس، وحدت المسلمین ضلع سانگھڑ کے چیئرمین برائے تحفظِ عزاداری سید اسحاق علی شاہ، وحدت المسلمین تحصیل شہدادپور کے نائب صدر خادم حسین باگراںی، رئیس شکیل احمد باگراںی سمیت دیگر معزز شخصیات نے شرکت کی۔
نوحہ خوانی کے فرائض انجمن وفائی عباس، تصور علی باگراںی، سالار عبدالرشید باگراںی اور عمران مہیسر نے انجام دیے۔ مقررین نے واقعۂ کربلا کے پیغام، صبر، قربانی اور حق و صداقت کے لیے حضرت امام حسینؑ کی لازوال جدوجہد پر روشنی ڈالی۔ پروگرام کے اختتام پر ملک کی سلامتی، امن و استحکام اور امتِ مسلمہ کی فلاح و بہبود کے لیے خصوصی دعائیں بھی کی گئیں۔