چکوال (جلیل نقوی)
: ڈی پی او چکوال کی ہدایات پر 06 محرم الحرام کے موقع پر ضلع بھر میں منعقد ہونے والے جلوسوں اور مجالس کی سیکیورٹی کے لیے خصوصی انتظامات کیے گئے ہیں۔چکوال پولیس، ایلیٹ فورس، پنجاب ہائی وے پٹرول () اور ٹریفک پولیس کے اہلکاروں کو امام بارگاہوں، حساس مقامات اور جلوسوں کے روٹس پر تعینات کیا گیا ہے۔سیکیورٹی انتظامات کے تحت داخلی و خارجی راستوں پر ناکہ بندی، سنیپ چیکنگ اور مشکوک افراد کی نگرانی کا سلسلہ جاری ہے، جبکہ سی سی ٹی وی کیمروں کے ذریعے بھی اہم مقامات کی مانیٹرنگ کی جا رہی ہے.پولیس حکام کے مطابق محرم الحرام کے دوران امن و امان برقرار رکھنے کے لیے تمام دستیاب وسائل بروئے کار لائے جا رہے ہیں۔