کامونکی(کرائم رپورٹرشہزادسہیل سے)
تھانہ صدر کامونکی پولیس نے ناکہ بندی کے دوران پولیس مقابلے کے بعد دو خطرناک ملزمان کو زخمی حالت میں گرفتار کر لیا۔ پولیس کے مطابق ملزمان انیب اور زین نے ناکے پر رکنے کے بجائے فائرنگ کر کے فرار ہونے کی کوشش کی جس پر جوابی کارروائی کی گئی۔ فائرنگ کے تبادلے کے بعد دونوں زخمی حالت میں گرفتار ہوئے۔ پولیس کا کہنا ہے کہ ملزمان تھانہ لدھیوالہ وڑائچ کے راہزنی مقدمہ میں مطلوب تھے اور ڈکیتی، راہزنی اور موٹر سائیکل چوری کی 20 سے زائد وارداتوں میں ریکارڈ یافتہ ہیں۔ سی پی او ڈاکٹر سردار غیاث گل خان نے واقعے کا نوٹس لے کر رپورٹ طلب کر لی ہے جبکہ فرار ساتھیوں کی گرفتاری کے لیے سرچ آپریشن جاری ہے۔ کارروائیاں جاری ہیں ہے