شکارپورسراج احمد انڑ کی رپوٹ
شکارپور پولیس نے چھینا گیا ٹریکٹر چوری شدہ 100 چشمے بھی برآمد کرکے ملزمان کو گرفتار کر لیا تفصیلات کے مطابق 16 جون 2026 کو غلام اصغر کلہوڑو سے تھانہ بچل بھیو کی حدود میں مسلح ملزمان نے ٹریکٹر چھین لیا تھا۔ واقعے کا مقدمہ درج ہونے کے بعد پولیس نے تفتیش کا آغاز کیا۔ ایس ایس پی شکارپور محمد کلیم کی ہدایت پر ڈی ایس پی لکھی غلام شاہ محمد علی سومرو کی نگرانی میں انچارج تھانہ بچل بھیو عبدالجبار ابڑو نے پولیس ٹیم کے ہمراہ کارروائی کرتے ہوئے چھینا گیا ٹریکٹر برآمد کر لیا اور مرکزی ملزم کامران سکندر کلہوڑو کو گرفتار کر لیا۔
ادھر فریادی عدیل راڑھی کی شکایت پر ایس ایس پی شکارپور نے فوری نوٹس لیتے ہوئے ا یس ایچ او تھانہ نیو فوجداری اختر علی ابڑو کو کارروائی کی ہدایت کی، جنہوں نے اپنی ٹیم کے ہمراہ کارروائی کرتے ہوئے چوری کی واردات میں ملوث ملزم علی بہار کو گرفتار کر لیا۔ کارروائی کے دوران ملزم کے قبضے سے چوری شدہ 100 عدد چشمے بھی برآمد کر لیے گئے، جو قانونی کارروائی مکمل ہونے کے بعد فریادی کے حوالے کیے جائیں گے۔
پولیس کے مطابق دونوں مقدمات میں مزید تفتیش جاری ہے جبکہ دیگر ملوث ملزمان کی گرفتاری کے لیے مختلف مقامات پر چھاپے مارے جا رہے ہیں۔