مری (راشد مغل سے)
وزیر اعلیٰ پنجاب محترمہ مریم نواز شریف کی ہدایات اور ڈپٹی کمشنر مری آغا ظہیر عباس شیرازی کی زیرِ نگرانی محرم الحرام کے دوران کسی بھی ہنگامی صورتحال سے نمٹنے، عزاداروں کے جان و مال کے تحفظ اور ایمرجنسی رسپانس سسٹم کی تیاری کو جانچنے کے لیے جی پی چوک مال روڈ مری میں ایک لارج اسکیل موک ایکسرسائز کا انعقاد کیا گیا، موک ایکسرسائز میں ریسکیو 1122 مری نے بھرپور انداز میں حصہ لیتے ہوئے، میڈیکل ایمرجنسی، ماس کیژولٹی مینجمنٹ، فائر فائٹنگ، سرچ اینڈ ریسکیو اور کمانڈ اینڈ کنٹرول سسٹم کا کامیاب عملی مظاہرہ کیا،فرضی ہنگامی صورتحال میں متعدد افراد کے زخمی ہونے کا منظر پیش کیا گیا، جس پر ریسکیو 1122 کی ٹیموں نے فوری رسپانس کرتے ہوئے جائے وقوعہ پر انسیڈنٹ کمانڈ پوسٹ (Incident Command Post) قائم کی فائر ریسکیورز نے جدید فائر فائٹنگ آلات کی مدد سے مختصر وقت میں آگ پر قابو پایا، جبکہ میڈیکل ٹیموں نے زخمیوں کو فوری ابتدائی طبی امداد فراہم کرتے ہوئے ماس کیژولٹی انسیڈنٹ مینجمنٹ کے تحت ٹرائیج، ایمرجنسی میڈیکل کیئر اور محفوظ مقامات پر منتقلی کا کامیاب عملی مظاہرہ کیا،موک ایکسرسائز کے دوران ریسکیو 1122 کی ایمبولینس سروس، فائر وہیکلز، میڈیکل ریسپانس ٹیموں اور دیگر ایمرجنسی ریسورسز کو بروئے کار لاتے ہوئے سرچ اینڈ ریسکیو، محفوظ انخلاء، ایمرجنسی رسپانس، فائر آپریشن اور مختلف اداروں کے درمیان مؤثر رابطہ کاری کا عملی جائزہ پیش کیا گیا، ریسکیو اہلکاروں نے پیشہ ورانہ مہارت، نظم و ضبط اور بروقت رسپانس کا مظاہرہ کرتے ہوئے ہنگامی حالات سے نمٹنے کی بھرپور صلاحیت کا ثبوت دیا،اس موقع پر ڈسٹرکٹ ایمرجنسی آفیسر ریسکیو 1122 مری نے بریفننگ دیتے ہوئے بتایا کے ریسکیو 1122 محرم الحرام کے دوران ہر قسم کی ہنگامی صورتحال سے نمٹنے کے لیے مکمل طور پر تیار، متحرک اور ہائی الرٹ ہے، انہوں نے کہا کہ تمام ریسکیو اسٹیشنز، ایمبولینسز، فائر وہیکلز، میڈیکل ریسپانس ٹیمیں اور دیگر ایمرجنسی ریسورسز کو فعال رکھا گیا ہے تاکہ کسی بھی ناخوشگوار واقعہ کی صورت میں شہریوں اور عزاداروں کو بروقت، مؤثر اور معیاری ایمرجنسی سروسز فراہم کی جا سکیں،انہوں نے مزید کہا کہ ریسکیو 1122 مری، ضلعی انتظامیہ اور دیگر متعلقہ اداروں کے ساتھ مکمل رابطے میں ہے اور محرم الحرام کے دوران عزاداروں کو محفوظ ماحول کی فراہمی، بروقت امداد اور ہر قسم کی ہنگامی صورتحال سے نمٹنے کے لیے تمام وسائل بروئے کار لائے جائیں گے،موک ایکسرسائز کو اسسٹنٹ ارشد اقبال کیپٹن ریٹائرڈ، ضلعی سنٹرل کنٹرول روم، ریسکیو 1122 کنٹرول روم اور دیگر متعلقہ محکموں کے سینئر افسران نے آن گراؤنڈ مانیٹر کیا، جبکہ ریسکیو 1122 مری نے اپنی مکمل آپریشنل تیاری، فوری رسپانس اور پیشہ ورانہ صلاحیتوں کا کامیاب اور مؤثر عملی مظاہرہ کیا.