دیر بالا (بیورو چیف ریاض أبوالخیل)
ڈسٹرکٹ پولیس آفیسر دیر بالا اسلم نواز نے موجودہ سیکیورٹی صورتحال کے پیش نظر دوبندو اور لواری ٹنل چوکی/چیک پوسٹ کا اچانک دورہ کیا۔ دورے کے دوران انہوں نے سیکیورٹی انتظامات کا تفصیلی جائزہ لیا اور ڈیوٹی پر موجود افسران و جوانوں سے ملاقات کی۔ اس موقع پر ایس ڈی پی او سرکل دیر مشرف خان بھی ان کے ہمراہ موجود تھے۔ڈی پی او دیر بالا نے موقع پر موجود پولیس اہلکاروں سے ان کو درپیش مسائل کے بارے میں دریافت کیا اور ان کے فوری حل کے لیے متعلقہ افسران کو احکامات جاری کیے۔ انہوں نے کہا کہ پولیس فورس ہمارا قیمتی سرمایہ ہے اور ان کے مسائل کا بروقت حل میری اولین ترجیح ہے۔ ان کے دفتر کے دروازے پولیس اہلکاروں کے لیے ہر وقت کھلے ہیں۔