ٹانک( بیوروچیف)
ضلع ٹانک کے عوام کے لیے خوش آئند خبر یہ ہے کہ ڈپٹی کمشنر ٹانک جمشید خان کی خصوصی دلچسپی اور مسلسل کوششوں کے نتیجے میں طویل عرصے سے تعطل کا شکار ٹانک پیزو روڈ پر تعمیراتی کام ایک بار پھر شروع ہو گیا ہے۔نو تعینات ڈپٹی کمشنر نے ذمہ داریاں سنبھالتے ہی عوامی مسائل کے حل اور ترقیاتی منصوبوں کی تکمیل کو اپنی ترجیحات میں شامل کیا، جس کے مثبت نتائج سامنے آنا شروع ہو گئے ہیں۔ ٹانک پیزو روڈ کی تعمیر دوبارہ شروع ہونے سے عوام کو سفری سہولیات کی فراہمی کے ساتھ ساتھ علاقے کی معاشی سرگرمیوں میں بھی بہتری آئے گی۔علاقہ عمائدین اور شہریوں نے ڈپٹی کمشنر جمشید خان کی کارکردگی کو سراہتے ہوئے انہیں خراجِ تحسین پیش کیا ہے اور امید ظاہر کی ہے کہ ان کی قیادت میں ضلع ٹانک میں دیگر ترقیاتی منصوبے بھی جلد پایہ تکمیل تک پہنچیں گے۔عوامی حلقوں کے مطابق جمشید خان نے مختصر عرصے میں عوامی خدمت، مسائل کے حل اور ترقیاتی کاموں کی بحالی کے حوالے سے عملی اقدامات کرکے اپنی صلاحیتوں کا لوہا منوایا ہے۔