سکھر ( رپورٹ/عبد الرحمان راجپوت )
اسسٹنٹ کمشنر سکھر سٹی نے اولڈ سکھر میں غیر قانونی کاروبار اور ناجائز منافع خوری کے خلاف کارروائی کرتے ہوئے ایک غیر قانونی "ڈبہ پیٹرول اسٹیشن” کو سیل کر دیا۔ کارروائی کے دوران متعدد سنگین بے ضابطگیاں سامنے آئیں جن پر فوری ایکشن لیتے ہوئے متعلقہ یونٹ کو بند کر دیا گیاتفصیلات کے مطابق اسسٹنٹ کمشنر سکھر سٹی نے اپنی ٹیم کے ہمراہ اولڈ سکھر کے مختلف علاقوں کا دورہ کیا، جہاں ایک پیٹرول فروخت کرنے والے غیر قانونی یونٹ کا معائنہ کیا گیا۔ موقع پر معلوم ہوا کہ مذکورہ ڈبہ پیٹرول اسٹیشن بغیر -فارم، این او سی اور دیگر قانونی دستاویزات کے کام کر رہا تھا۔ معائنے کے دوران یہ بھی انکشاف ہوا کہ پیٹرول کی فروخت ایک واحد ڈسپینسنگ یونٹ کے ذریعے کی جا رہی تھی جو زمین کی سطح پر رکھے گئے پلاسٹک ٹینک سے منسلک تھا، جبکہ ایندھن کی سپلائی اور حصول کا ذریعہ بھی واضح نہیں تھا۔