تہران :رہبر اعلیٰ ایران مجتبیٰ خامنہ ای نے کہا ہے کہ اب وقت پیچھے نہیں لوٹ سکتا،امریکاکو خطے میں اب اڈوں کیلئے کوئی محفوظ مقام نہیں ملے گا، اسرائیل اگلے25 سال نہیں دیکھ سکےگا۔
ایران کے خبر رساں ادارے تسنیم نے رہبر اعلیٰ مجتبیٰ خامنہ ای کا پیغام جاری کیا ہے۔ اپنے طویل پیغام میں مجتبیٰ خامنہ ای نے امریکا اور اسرائیل کی جانب سے شروع کی گئی جنگ میں ایران کی کامیابی کا دعویٰ کیا۔
بیان کے مطابق ایرانی رہبر اعلیٰ نے کہا کہ ’وقت پیچھے نہیں لوٹے گا اور خطے کی اقوام اور سر زمینیں اب امریکی اڈوں کے لیے ڈھال نہیں بنیں گی۔‘
ان کا کہنا تھا کہ اب اس خطے میں امریکا کو اپنے فوجی اڈوں کے لیے کوئی محفوظ مقام نہیں ملے گا۔
اپنے پیغام میں مجتبیٰ خامنہ ای کا کہنا تھا کہ اسرائیل کا وجود خاتمے کے قریب ہے اور وہ اگلے 25 برس نہیں دیکھ سکے گا۔
امریکی اڈوں کیلئے اب خطے میں کوئی جگہ محفوظ نہیں ، اسرائیل اگلے 25سال نہیں دیکھ سکتا، مجتبیٰ خامنہ ای
