اسلام آباد: وفاقی وزیر داخلہ محسن نقوی اور وزیر مملکت طلال چوہدری کی زیر صدارت اجلاس میں شہریوں کی سہولت کے لیے متعدد اقدامات کی منظوری دی گئی۔
اجلاس کے دوران فیصلہ کیا گیا کہ نارمل پاسپورٹ کی فراہمی کا دورانیہ 21 دن سے کم کرکے 14 دن کر دیا گیا ہے۔ وزیر داخلہ محسن نقوی کا کہنا تھا کہ اس اقدام سے شہریوں کو بروقت سہولت میسر آئے گی
نارمل پاسپورٹ 21 دن سے کم کرکے اب 14 کر دیا گیا
وفاقی وزیر داخلہ محسن نقوی اور وزیر مملکت طلال چوہدری کی زیر صدارت اجلاس میں شہریوں کی سہولت کیلئے بڑے فیصلے
نارمل پاسپورٹ 21 دن سے کم کرکے اب 14 کر دیا ہے ۔ محسن نقوی
پاسپورٹ دفاتر میں مکمل کیش لیس سسٹم رائج ہوگا۔ pic.twitter.com/dIfhRcwuWL— Ministry of Interior GoP (@MOIofficialGoP) April 30, 2026
۔
پاسپورٹ دفاتر میں مکمل کیش لیس نظام رائج کرنے کا فیصلہ کیا گیا ہے، جس کے تحت 15 روز کے اندر اندر نقد ادائیگی کا نظام ختم کر دیا جائے گا۔ حکام کے مطابق اس اقدام سے ایجنٹ مافیا کا خاتمہ ہوگا اور شفافیت کو فروغ ملے گا۔
اجلاس میں وزیر داخلہ نے بزنس پاسپورٹ کے اجرا کے نظام کو جلد حتمی شکل دینے اور اس حوالے سے امور پر کام تیز کرنے کی ہدایت بھی کی۔
اس کے علاوہ پاسپورٹ کی گھروں کی دہلیز تک فراہمی کے نظام کو مزید مؤثر بنانے کا بھی فیصلہ کیا گیا تاکہ شہریوں کو مزید سہولت فراہم کی جا سکے۔
اجلاس میں بریفنگ کے دوران بتایا گیا کہ پہلے نارمل پاسپورٹ 21 روز میں فراہم کیا جاتا تھا تاہم نئے فیصلے کے بعد اب اسے 14 روز میں فراہم کیا جائے گا۔
اجلاس میں وفاقی سیکرٹری داخلہ، ڈی جی پاسپورٹ و امیگریشن اور دیگر متعلقہ حکام نے بھی شرکت کی۔