ٹنڈوالہیار — رپورٹ: تیمور رضا قائم خانی
ایس ایس پی ٹنڈوالہیار سید سلیم شاہ نے صادق فاؤنڈیشن ہائی اسکول کا دورہ کیا، جہاں انہوں نے طلبہ سے ملاقات کی اور ان کے روشن مستقبل کے حوالے سے اہم گفتگو کی۔دورے کے دوران ایس ایس پی ٹنڈوالہیار نے طلبہ کو سی ایس ایس (CSS) کے امتحانات کے متعلق تفصیلی آگاہی فراہم کی۔ انہوں نے امتحان کی تیاری، مطالعے کی اہمیت، وقت کی پابندی، محنت اور مستقل مزاجی کے اصولوں پر روشنی ڈالی۔ طلبہ کو ترغیب دی گئی کہ وہ ابھی سے اپنی تعلیم پر خصوصی توجہ دیں۔باقاعدگی سے مطالعے کی عادت اپنائیں۔اپنے مستقبل کے لیے واضح اہداف مقرر کریں، کیونکہ محنت، لگن، نظم و ضبط اور مسلسل کوشش سے ہی کامیابی ممکن ہے۔ایس ایس پی ٹنڈوالہیار نے طلبہ کو منشیات کے مضر اثرات اور نقصانات سے بھی آگاہ کیا۔ انہوں نے نوجوان نسل کو منشیات جیسی لعنت سے دور رکھنے، صحت مند سرگرمیوں کو اپنانے اور اپنے مستقبل کو محفوظ بنانے کی تلقین کرتے ہوئے اس بات پر زور دیا کہ:"نوجوان نسل کو منشیات سے بچانا ہم سب کی مشترکہ ذمہ داری ہے۔”طلبہ کو والدین کی عزت و احترام کی تلقین کرتے ہوئے ایس ایس پی ٹنڈوالہیار نے کہا کہ والدین کی دعائیں اور رہنمائی زندگی میں کامیابی کے لیے نہایت اہم ہیں۔ انہوں نے ہدایت کی کہ طلبہ اپنے والدین کی خدمت کریں۔ان کی بات غور سے سنیں۔ہمیشہ ان کے ساتھ ادب اور احترام سے پیش آئیں۔آخر میں، طلبہ کی حوصلہ افزائی کرتے ہوئے کہا گیا کہ نوجوان ملک و قوم کا مستقبل ہیں، اور انہیں اپنی تعلیم، کردار سازی، والدین کی عزت اور منفی سرگرمیوں سے دور رہ کر معاشرے کی ترقی میں بھرپور کردار ادا کرنا چاہیے۔ اس دورے کا بنیادی مقصد طلبہ میں اعلیٰ تعلیم، مقابلے کے امتحانات، والدین کے احترام، منشیات سے بچاؤ اور ملک و قوم کی خدمت کے جذبے کو فروغ دینا تھا۔