کراچی :ملک بھر میں سونے کی قیمتوں میں آج ایک بار پھر بڑا اضافہ دیکھنے میں آیا ہے، جس کے بعد فی تولہ سونا نئی بلند سطح پر پہنچ گیا ہے۔
تفصیلات کے مطابق سونے کی فی تولہ قیمت میں 15 ہزار 300 روپے کا نمایاں اضافہ ہوا ہے، جس کے بعد نئی قیمت 4 لاکھ 94 ہزار 62 روپے تک جا پہنچی ہے۔ اس سے ایک روز قبل بھی سونا 2 ہزار 800 روپے فی تولہ مہنگا ہوا تھا۔
اسی طرح 10 گرام سونے کی قیمت میں بھی 13 ہزار 117 روپے کا اضافہ ریکارڈ کیا گیا ہے، جس کے بعد اس کی نئی قیمت 4 لاکھ 23 ہزار 578 روپے ہو گئی ہے۔
عالمی مارکیٹ میں بھی سونے کی قیمتوں میں نمایاں اضافہ ہوا ہے، جہاں فی اونس سونا 153 ڈالر مہنگا ہو کر 4713 ڈالر تک پہنچ گیا ہے۔
دوسری جانب چاندی کی قیمت میں بھی اضافہ ریکارڈ کیا گیا، چاندی 200 روپے فی تولہ مہنگی ہونے کے بعد 7 ہزار 984 روپے کی سطح پر پہنچ گئی ہے۔
ماہرین کے مطابق عالمی مارکیٹ میں قیمتوں میں اضافے کے اثرات مقامی مارکیٹ پر بھی پڑ رہے ہیں، جس کے باعث سونا اور چاندی مزید مہنگے ہونے کا امکان ظاہر کیا جا رہا ہے۔
