لاہور: وزیراعلیٰ پنجاب مریم نواز شریف سے فلپائن کے سفیر ڈاکٹر ایمینوئیل آر فرنینڈز کی ملاقات کی ہے ملاقات کے دوران دوطرفہ تعلقات، سرمایہ کاری، موسمیاتی تبدیلی، دفاعی تعاون اور عوامی روابط پر تفصیلی تبادلہ خیال کیا گیا۔
رپورٹ کے مطابق ملاقات میں فلپائن اور پنجاب کے مابین اشتراک کار مزید مضبوط بنانے پر اتفاق کیا گیا جبکہ ملاقات میں سیاسی، آئینی اور پارلیمانی تعاون پر بھی گفتگو ہوئی۔
وزیر اعلی مریم نواز شریف نے فلپائن کو 2026 کی آسیان چیئرمین شپ کے لیے دلی مبارکباد دیتے ہوئے
فلپائنی سرمایہ کاروں کو پنجاب میں سرمایہ کاری کی پیش کش،مکمل تعاون اور سہولیات کی یقین دہانی کرائی،وزیراعلیٰ کا کہناتھا کہ پاکستان اور فلپائن کے درمیان دوستی 76 برسوں پر محیط ایک مضبوط اور باوقار رشتہ ہے۔
لاہور اور پنجاب کی سرزمین اپنے دروازے ہمیشہ دوست ممالک کے لیے کھلے رکھتی ہے۔پاکستان اور فلپائن کے درمیان روحانی و تہذیبی اقدار، امن، انسانیت اور ہم آہنگی ہمارا مشترکہ ورثہ ہیں۔
انہوں نے کہا کہ پاکستان اور فلپائن کے مابین 25 ایم او یوز اور 2022 کا دفاعی تعاون کا معاہدہ تعلقات کو ایک نئی جہت دے رہا ہے۔وزیر اعلی مریم نواز شریف کا فلپائن میں حالیہ زلزلوں اور طوفان سے انسانی جانوں کے ضیاع پر تعزیت کا اظہار بھی کیا ان کا کہنا تھاکہپاکستان دکھ کی اس گھڑی میں فلپائن کے عوام کے ساتھ کھڑا ہے۔فلڈز اور ٹائفونز نے پاکستان اور فلپائن دونوں کو یکساں طور پر متاثر کیا ہے۔
انہوں نے کہا کہ لوس اینڈ ڈیمج فنڈ کی تشکیل میں پاکستان اور فلپائن کا کردار قابلِ فخر ہے۔فلپائن کی ڈیزاسٹر مینجمنٹ مہارت سے پنجاب ادارہ جاتی تبادلوں کے ذریعے استفادہ کرنا چاہتا ہے۔پاکستان پائیدار امن اور ڈی ریڈیکلائزیشن کے اقدامات کی مکمل حمایت کرتا ہے۔
وزیراعلیٰ پنجاب مریم نواز شریف کا کہنا تھا کہ پنجاب پاکستان کی معاشی ریڑھ کی ہڈی ہے،60 فیصد قومی جی ڈی پی اسی صوبے سے بنتی ہے۔آئی ٹی،توانائی،زرعت،فوڈ پروسیسنگ، فارماسیوٹیکل، آٹو پارٹس،لاجسٹکس اور کنسٹرکشن سیکٹر میں وسیع مواقع موجود ہیں۔ایس آئی ایف سی اور پی بی آئی ٹی سرمایہ کاروں کو ون ونڈو سہولت اور پالیسی استحکام فراہم کر رہے ہیں -پنجاب کے سپیشل اکنامک زونز میں عالمی معیار کا انفراسٹرکچر، ٹیکس مراعات اور کسٹمز سہولتیں میسر ہیں جبکہ پاکستان دفاعی تربیت،جوائنٹ مشقوں، انسدادِ دہشت گردی اور انٹیلیجنس شیئرنگ کے شعبوں میں مزید تعاون بڑھانے کے لیے تیار ہے۔ریم نواز شریف
انہوں نے کہا کہ ہزاروں فلپائنی پاکستان میں اور بڑی تعداد میں پاکستانی فلپائن میں رہتے ہیں جو باہمی دوستی کو مضبوط بناتے ہیں۔لاہور کا یونیسکو کرییٹیو سٹی اور ای سی او ٹورازم کیپیٹل 2027 کا اعزاز ثقافتی،سیاحتی تعاون کے نئے دروازے کھولے گا۔پاکستان اور فلپائن دوستی،اعتماد اور مشترکہ اقدار پر قائم رشتے کو مزید مضبوط بنانے کے لیے پُرعزم ہیں جبکہ پنجاب ہر شعبے میں باہمی شراکت داری کو نئی بلندیوں تک لے جانے کے لیے پرعزم ہے۔