اسلام آباد: وفاقی آئینی عدالت نے پاکستانی ٹی وی چینلز پر بھارتی مواد نشر کرنے سے متعلق کیس کی سماعت کے دوران فریقین کو نوٹس جاری کرتے ہوئے کیس کی سماعت غیر معینہ مدت کے لیے ملتوی کر دی ۔چیف جسٹس جسٹس امین الدین خان کی سربراہی میں تین رکنی بینچ نے جمعرات کو کیس کی سماعت کی۔
مقدمے کے پس منظر میں بتایا گیا کہ 2016 میں پیمرا کے ایک اجلاس میں فیصلہ کیا گیا تھا کہ بھارتی مواد پاکستان میں نشر نہیں کیا جائے گاتاہم ابتداء میں لائسنس دینے کے وقت چینلز کو دس فیصد بھارتی مواد نشر کرنے کی اجازت دی گئی تھی۔ماضی میں، 2017 میں جسٹس منصور علی شاہ نے بطور چیف جسٹس لاہور ہائی کورٹ، پیمرا کے اس نوٹیفکیشن کو معطل قرار دیا تھا۔عدالت نے سماعت ملتوی کرتے ہوئے فریقین کو آئندہ تاریخ پر دوبارہ پیش ہونے کا حکم دیا۔