لاہور:وزیر اطلا عات پنجاب عظمیٰ بخاری نے کہا ہے کہ ایک ہی رات میں 50 بل پاس کرنیوالوں کو آئینی ترمیم پر اعتراض ہے۔افواج پاکستان نے دنیا بھر میں پاکستان کو سرخرو کیا۔
عظمیٰ بخاری کا مزید کہنا تھا کہ پاک فوج نے مئی میں اپنے سے پانچ گنا بڑے دشمن کو چند گھنٹوں میں گھٹنے ٹیکنے پر مجبور کیا۔ملک کے دفاع اور امن کے قیام کیلئے افواج پاکستان کی قربانیاں ناقابل فراموش ہیں۔فیلڈ مارشل عاصم منیر کی قیادت میں پاک فوج نے 10مئی کو تاریخ رقم کی۔جنرل عاصم منیر اورایئر چیف ظہیر بابرکی دفاع پاکستان کے اعتراف میں قوم نے انکو عزت دی ہے۔
انہوں نےکہا کہ پاکستان کی بری فوج،فضائیہ اور نیوی دنیا کی پروفیشنل اور بہادر افواج میں سرفہرست ہیں۔خلاف آئین اسمبلی تحلیل کرنے والوں کو پارلیمنٹ کی بالادستی ہضم نہیں ہورہی۔سموسے پکوڑوں پر سوموٹولینے کا باب ہمیشہ کیلئے بند ہو گیا ہے۔تمام ادارے آئین کے تابع ہیں اور پارلیمنٹ سپریم ہے،یہی سویلین بالادستی ہے۔