لاہور:گرو نانک کے یوم پیدائش کی تقریبات ‘پرکاش پرو’ کے موقعے پر شرومنی گوردوارہ پربندھک کمیٹی کی قیادت میں 1796 سکھ عقیدت مندوں کا ایک گروپ آج اٹاری واہگہ بارڈر سے پاکستان پہنچا ہے۔
پاک بھارت جنگ کے بعد پہلی مرتبہ بھارت پاکستان کے بیچ سرحدی گزرگاہ ‘اٹاری واہگہ بارڈر کو لوگوں کے لیے کھولا گیا، سکھ عقیدت مندوں کا گروپ جتھیدار گیانی کلدیپ سنگھ گرگج کی قیادت میں پاکستان پہنچا ہے۔ گروپ ننکانہ صاحب اور دیگر سکھ یاتری ننکانہ صاحب، گوردوارہ حسن ابدال پنجہ صاحب اوردیگر تاریخی گوردواروں میں منعقد ہونے والی تقریبات میں شرکت کریں گے۔
جتھے دارگیانی کلدیپ سنگھ گرگج نے کہا کہ ‘اگرچہ بھارتی حکومت کی جانب سے ویزے جاری کیے گئے ہیں لیکن کرتارپور صاحب کوریڈور کو ابھی تک مکمل طور پر نہیں کھولا گیا ہے۔ انہوں نے کہا کہ یہ راہداری صرف سفر کا راستہ نہیں ہے بلکہ دلوں کو جوڑنے والا پل ہے۔ انہوں نے اس یقین کا اظہار کیا کہ جس طرح بھارتیحکومت نے سکھ برادری کی دعائیں پہلے قبول کی تھیں، اسی طرح کرتار پور راہداری ایک بار پھر جلد کھول دی جائے گی۔