اسلام آباد:پاکستان میں حالیہ سیلاب سے متاثرہ علاقوں کے لیے چین کی جانب سے ہنگامی امداد بھیج دی گئی ہے۔ چین کی پیپلز لبریشن آرمی نے دوستی کا حق ادا کرتے ہوئے مشکل کی اس گھڑی میں پاکستان کا ساتھ نبھایا ہے۔
پیپلز لبریشن آرمی، چین کی جانب سے بھیجے گئے امدادی سامان میں 12 ہزار خصوصی خیمے، 100 ڈیزل جنریٹرز، 50 واٹر پیوریفیکیشن پمپس، اور 300 سولر پاور سسٹمز شامل ہیں۔
متاثرہ علاقوں میں قائم میڈیکل کیمپس میں مریضوں کو مفت ادویات بھی فراہم کی جا رہی ہیں۔ یہ ریلیف پیکج تیزی سے متاثرہ علاقوں میں پہنچا کر مقامی آبادی میں تقسیم کیا جا رہا ہے۔
پیپلز لبریشن آرمی کی یہ امداد پاک چین دیرینہ دوستی، یکجہتی اور ہمدردی کی ایک روشن مثال ہے۔ چین ہمیشہ کی طرح ایک قابلِ اعتماد دوست کی حیثیت سے پاکستان کے ساتھ کھڑا ہے۔