لاہور : ( حافظ نعیم )محمد نواز شریف آج بھی بنگلہ دیشی عوام کے دل میں خوشبو کی طرح بستے ہیں پاکستان مسلم لیگ ن کے صدر محمد نواز شریف اور وزیراعلیٰ پنجاب مریم نواز شریف سے مشیر برائے مذہبی امور ڈاکٹر خالد حسین نے ملاقات کی ہے۔ملاقات میں بنگلہ دیش کے ہائی کمشنر ایم ڈی اقبال حسین خان بھی موجود تھے۔ اس موقع ضر بنگلہ دیش میں پاکستانی طلبہ کے لئے 500 نئے سکالر شپ کا اعلان کیا گیا۔ سابق وزیراعظم نواز شریف کا کہنا تھا کہ پاکستانی عوام کے دل آج بھی بنگلہ دیشی بھائیوں کی محبت موجزن ہے۔ ایم ایم عالم کو آج بھی پاکستانی قوم اپنا ہیرو سمجھتی ہے۔ پاکستان اور بنگلہ دیش کی باہمی قربت بڑھانے بہترین وقت ہے۔ انہوں نے کہا کہ بنگلہ دیش اپنے عوام کی معاشی ترقی کے حوالے سے تیزی سے ابھر کر سامنے آیا۔
وزیر اعلی مریم نواز شریف نے بنگلہ دیش کی گارمنٹس، مائیکروفنانس اور خواتین کی شمولیت میں کامیابیوں کو سراہا۔ وزیراعلی مریم نواز کا کہنا تھا کہ پاکستان اور بنگلہ دیش کا رشتہ سرحدوں سے بالاتر نسل در نسل بھائی چارے پر مشتمل ہے-۔تجارت اور براہ راست رابطے پاکستان اور بنگلہ دیش کے عوامی تعلقات کو مزید تقویت بخشیں گے۔پنجاب بنگلہ دیش کے ساتھ گرین انرجی سمیت مختلف شعبوں میں تعاون کا خواہاں ہےپنجاب اور بنگلہ دیش کے مابین فلڈ مینجمنٹ اور زرعی پائیداری میں بھی شراکت داری کا خیر مقدم کریں گے۔خطے میں امن، خوشحالی کے لئے پاک-بنگلہ دوستی کو دیرپا شراکت داری میں بدلیں گے۔
ایم ڈی اقبال حسین خان۔ بنگلہ دیشی ہائی کمشنر نے کہا کہ بنگلہ دیش کے عوام ایٹمی دھماکہ کرنے پر محمد نواز شریف کو بڑے ہیرو کے طور پر دیکھتے ہیں۔محمد نواز شریف آج بھی بنگلہ دیشی عوام کے دل میں خوشبو کی طرح بستے ہیں۔ بنگلہ دیش کی نئی نسل کے دلوں میں محمد نواز شریف کیلئے بہت عزت و احترام ہے۔
وزیر اعلیٰ مریم نواز شریف کی عوامی خدمات اور سرگرمیوں کو قدر کی نگاہ سے دیکھتے ہیں۔
بنگلہ دیشی وزیر مذہبی امور ڈاکٹر خالد حسین نے اس موقع پر کہا کہ پاکستان کے عوام کی خاطر محمد نواز شریف اور انکے خاندان کی خدمات کو سنہرے حروف میں لکھا جائے گا۔ بنگلہ دیش ہرسطح پر پاکستان کے ساتھ تعلقات میں بہتری کا خواہاں ہے۔ اپنے ملک کو تاریکی سے روشنی کی طرف لائے ہیں۔ ڈاکٹر خالد حسین۔ بنگلہ دیشی وزیر نے اس موقع پر انکشاف کیا کہ وہ وزیراعلیٰ پنجاب مریم نواز شریف کی تقریروں کو بہت عرصے سے فالو کررہے ہیں۔