شینژین : امریکی صدر ڈونلڈ ٹرمپ ایشیا پیسیفک اکنامک کوآپریشن (ایپیک) سربراہی اجلاس میں شرکت کے لیے بدھ کے روز جنوبی چین کے جدید ٹیکنالوجی کے مرکز اور ساحلی شہر شینژین پہنچ گئے، جہاں ان کا غیر معمولی سرکاری پروٹوکول اور شاندار جوش و خروش کے ساتھ استقبال کیا گیا۔
چین کی سرکاری خبر رساں ایجنسی شنہوا اور بین الاقوامی ذرائع کے مطابق امریکی صدارتی طیارہ "ایئر فورس ون” جب شینژین ایئرپورٹ پر اترا تو چینی صدر شی جن پنگ نے روایتی سفارتی پروٹوکول سے ہٹ کر خود ایئرپورٹ پر موجود رہ کر صدر ڈونلڈ ٹرمپ کا پُرتپاک استقبال کیا۔ اس موقع پر استقبالیہ تقریب میں زبردست گہما گہمی اور شاندار انتظامات دیکھنے میں آئے، جبکہ دونوں عالمی رہنماؤں نے گرمجوشی سے مصافحہ کیا۔
BREAKING: Xi Jinping personally greets President Trump at Air Force One in Shenzhen, China with massive fanfare
@RealAmVoice @HumanEvents https://t.co/NBse611Jaq
— Jack Posobiec (@JackPosobiec) November 18, 2026
واضح رہے کہ امریکی صدر ڈونلڈ ٹرمپ شینژین میں منعقد ہونے والے ایپیک (APEC) سربراہی اجلاس میں شریک ہوں گے، جہاں خطے کی معاشی صورتحال، عالمی تجارت اور باہمی تعاون سے متعلق اہم امور زیرِ غور آئیں گے۔ سفارتی مبصرین کی جانب سے چینی صدر شی جن پنگ کی خود ایئرپورٹ آمد اور امریکی ہم منصب کے والہانہ استقبال کو دونوں بڑی عالمی معیشتوں کے درمیان تعلقات میں ایک اہم اور مثبت پیش رفت کے طور پر دیکھا جا رہا ہے۔

