اسلام آباد: نیشنل الیکٹرک پاور ریگولیٹری اتھارٹی (نیپرا) نے ملک میں بجلی 1 روپے 11 پیسے فی یونٹ مہنگی کرنے کا باضابطہ نوٹیفکیشن جاری کر دیا ہے۔نوٹیفکیشن کے مطابق بجلی کی قیمتوں میں یہ اضافہ اگست کی ماہانہ فیول پرائس ایڈجسٹمنٹ (FPA) کے تحت صرف ایک ماہ کے لیے کیا گیا ہے۔ اس اضافے کی وصولی کراچی (کے الیکٹرک) سمیت ملک بھر کے تمام صارفین سے اکتوبر کے ماہانہ بلوں میں کی جائے گی۔ذرائع کے مطابق اگست کی فیول ایڈجسٹمنٹ کی مد میں ہونے والے اس اضافے سے صارفین پر تقریباً 19 ارب روپے کا اضافی مالی بوجھ منتقل ہو گا۔ترجمان کے مطابق لائف لائن صارفین اس اضافے سے مستثنیٰ رہیں گے اور ان کے بلوں میں یہ اضافہ شامل نہیں کیا جائے گا۔
