عمرکوٹ رپورٹ بیوروچیف ڈاکٹر ایم لال واگھانی
سامارو: مبینہ طور پر عطائی ڈاکٹر کے انجیکشن کے بعد نوجوان بے ہوش، 7 گھنٹے گزرنے کے باوجود ہوش نہ آیا
سامارو کے گاؤں ڈاکٹر چیتن میگھواڑ کے رہائشی نوجوان کرشن میگھواڑ کے اہلِ خانہ کے مطابق، چند روز قبل نوجوان بارش کے دوران حادثے میں زخمی ہوا تھا۔ گزشتہ رات گھٹنے میں درد کے باعث مبینہ طور پر ایک عطائی ڈاکٹر سے انجیکشن لگوایا گیا، جس کے بعد نوجوان بے ہوش ہوگیا۔
اہلِ خانہ کا کہنا ہے کہ سات گھنٹے گزرنے کے باوجود نوجوان کو ہوش نہیں آیا، جسے فوری طور پر تعلقہ اسپتال سامارو منتقل کر دیا گیا۔
نوجوان کے بھائی لیموں میگھواڑ نے مبینہ غلط انجیکشن لگانے کی تحقیقات اور ذمہ دار کے خلاف کارروائی کا مطالبہ کیا ہے۔
