کارروائیوں کے دوران مجموعی طور پر 214.22 کلوگرام منشیات برآمد
شیخوپورہ (بیوروچیف اسامہ طفیل)
2 کروڑ 73 لاکھ روپے سے زائد مالیت کی 214.22 کلوگرام منشیات برآمد،8 کاروائیوں کے دوران 6 ملزمان گرفتاراینٹی نارکوٹکس فورس (اے این ایف) نے ملک کے مختلف شہروں میں منشیات اسمگلنگ کے خلاف 8 کارروائیاں کرتے ہوئے 6 ملزمان کو گرفتار کرلیا۔ ترجمان اے این ایف کے مطابق کارروائیوں کے دوران مجموعی طور پر 214.22 کلوگرام منشیات برآمد ہوئی، جس کی مالیت 2 کروڑ 73 لاکھ روپے سے زائد ہے۔شیخوپورہ میں فیصل آباد روڈ کے قریب موٹر سائیکل سوار سے 5 کلو چرس اور ایک کلو افیون، پشاور ایئرپورٹ سے آئس اور یونیورسٹی روڈ سے چرس، لاہور ایئرپورٹ سے ہیروئن اور ویڈ، اسلام آباد سے کینابینوئڈ جبکہ کوئٹہ کے مختلف علاقوں سے چرس اور 195 کلوگرام افیون برآمد کی گئی۔ تمام کارروائیوں کے مقدمات انسدادِ منشیات ایکٹ 1997 کے تحت درج کرکے مزید تحقیقات شروع کردی گئی ہیں۔