نیویارک / بیجنگ (مانیٹرنگ ڈیسک): سوشل میڈیا پر ایک ویڈیو تیزی سے وائرل ہو رہی ہے جس میں جنگی طیارے کی سر پر سے پرواز کے دوران سابق امریکی صدر ڈونلڈ ٹرمپ اور چینی صدر کے متضاد ردعمل نے صارفین کی تمام تر توجہ حاصل کر لی ہے۔
تفصیلات کے مطابق ایک تقریب کے دوران جب فضا میں جنگی طیارہ گرجدار آواز کے ساتھ گزرا تو ڈونلڈ ٹرمپ اچانک پریشان اور چونکتے ہوئے دکھائی دیے، جبکہ ان کے برعکس چینی صدر بغیر کسی گھبراہٹ کے مکمل طور پر پرسکون اور بے پرواہ کھڑے رہے۔
سوشل میڈیا پر ویڈیو شیئر ہوتے ہی وائرل ہو گئی، جس پر صارفین کی جانب سے مختلف تبصروں کا سلسلہ جاری ہے۔ متعدد صارفین ٹرمپ کے اچانک چونکنے پر طنزیہ جملے کس رہے ہیں جبکہ دوسری جانب چینی صدر کے باوقار اور پرسکون انداز کی تعریف کی جا رہی ہے۔