مستونگ میں سیکیورٹی فورسز کی آپریشن رد الفتنہ 3 کے تحت کارروائی، 9 دہشت گرد ہلاک

راولپنڈی :آپریشن ردالفتنہ 3 کے تحت مستونگ میں سیکیورٹی فورسز کی کارروائی میں 9دہشتگردہلاک ہو گئے۔
نجی ٹی وی چینل’’ دنیا نیوز‘‘ کے مطابق سیکیورٹی فورسز کی’’ آپریشن ردالفتنہ 3‘‘کے تحت دہشتگردوں کیخلاف کارروائیاں جاری ہیں، مستونگ کے علاقے کنک وادی میں کارروائی کے دوران 9دہشتگردمارے گئے۔
سیکیورٹی ذرائع کے مطابق فتنہ الخوارج کے دہشتگردوں نے کنک وادی چوکی پر حملے کی کوشش کی،دہشتگردوں سے 3موٹرسائیکلیں ، اسلحہ اور گولہ بارود برآمدہوا،سیکیورٹی ذرائع کے مطابق فائرنگ کے تبادلے میں سیکیورٹی فورسز کا ایک جوان زخمی ہو گیاجس کو ہسپتال منتقل کردیاگیا۔