”کالے رنگ کو گورا بنائے۔۔۔ تے گورے نوں چن ورگا“ بھارت نے پاکستانی کریموں پر پابندی لگادی

نئی دہلی :بھارت نے پاکستان میں تیار ہونے والی دو کاسمیٹک مصنوعات، گوری بیوٹی کریم اور چاندنی وائٹننگ کریم کے استعمال کے خلاف ملک بھر میں انتباہ جاری کیا ہے۔
بھارتی مرکزی وزارتِ صحت و خاندانی بہبود نے یہ اقدام ڈرگز کنٹرولر جنرل آف انڈیا (ڈی سی جی آئی) کے مشورے پر کیا ہے۔
بی بی سی اردو کے مطابق ان کا کہنا ہے کہ یہ مصنوعات انڈیا میں غیر قانونی طور پر فروخت کی جا رہی ہیں۔
ڈی سی جی آئی کے مطابق یہ دونوں مصنوعات ’غیر قانونی ہیں اور ان میں مقررہ حد سے زیادہ بھاری دھاتیں موجود ہیں، جس سے صارفین کی صحت کو خطرات لاحق ہو سکتے ہیں۔‘
پاکستان میں فروخت ہونے والی ان کریموں کے لیباریٹری ٹیسٹ میں مرکری (پارہ) کی مقدار بہت زیادہ پائی گئی ہے۔
ڈاکٹروں کا کہنا ہے کہ پارے کے استعمال سے صحت کو شدید نقصان پہنچ سکتا ہے اور گردے بھی متاثر ہو سکتے ہیں۔
جولائی میں مہاراشٹر کے فوڈ اینڈ ڈرگ ایڈمنسٹریشن (ایف ڈی اے) نے بھی پاکستان میں تیار ہونے والی گوری کریم سمیت متعدد کاسمیٹک مصنوعات میں پارے کی زیادہ مقدار کی نشاندہی کی تھی اور ایسی مصنوعات کی ایک فہرست جاری کی تھی۔
جولائی میں مہاراشٹر کے فوڈ اینڈ ڈرگ ایڈمنسٹریشن (ایف ڈی اے) نے بھی پاکستان میں تیار ہونے والی گوری کریم سمیت متعدد کاسمیٹک مصنوعات میں پارے کی زیادہ مقدار کی نشاندہی کی تھی اور ایسی مصنوعات کی ایک فہرست جاری کی تھی۔