سیالکوٹ (سلیم احمد اعوان شیخو)
تھانہ آگوکی کے علاقہ مظفر پور میں قتل ہونے والی 24 سالہ رسول فاطمہ کے بارے میں معلوم ہوا ہے کہ قتل ہونے والی لڑکی پاکستان کے بیسٹ ٹیسٹ کرکٹر اور بی سی سی آئی کے چئیرمن ظہیر عباس کے حقیقی چچازاد بھائی وصی عباس عرف پیو شاہ کی بیٹی ہے وصی عباس کچھ عرصہ قبل قتل ہو گیا تھا جبکہ مقتولہ اپنے علاقہ کے رہائشی شیراز ولد اعجاز کے ساتھ فرار ہو گئی تھی اور اس کے اغواء کا مقدمہ تھانہ اگو کی میں درج ہوا تھا اور پولیس نے مقتولہ رسول فاطمہ اور شیراز کو شیخو پورہ سے برآمد کیا تو مقتولہ نے عدالت میں بیان دیا کہ وہ اپنی مرضی کے ساتھ شیراز کے ساتھ گئی تھی اور شیراز بے گناہ ہے جبکہ مقتولہ رسول فاطمہ کے چچا زاد حسینن عرف بلے شاہ نے شیراز کی ٹانگوں پر فائر مارے تھے اور اس کے خلاف اقدام قتل کا مقدمہ درج ہوا تھا اور گزشتہ روز اس کی ایڈیشنل سیشن جج سیالکوٹ کی عدالت سے قبل از گرفتاری کی ضمانت منسوخ ہوئی تو حسنین کے بھائی حسن نے رسول فاطمہ کو اس کے گھر میں داخل ہو کر فائرنگ کر کے قتل کر دیا جبکہ پولیس نے حسن کی بجائے قاتل ذکی عباس کو بنا دیا اور ذکی عباس اور مقتولہ کی والدہ فریدہ کو بھی گرفتار کر لیا ۔یہاں یہ ان قابل ذکر ہے کہ مقدمہ کا مدعی مذکورہ تھانہ کا ایس ایچ او انسپکٹر بلال سلیم ہے۔