ممبئی:بالی ووڈ کے مقبول ترین جوڑے دیپیکا پڈوکون اور رنویر سنگھ کے گھر ایک بار پھر ننھے مہمان کی آمد ہوئی ہے۔ معروف اداکارہ دیپیکا پڈوکون نے فوٹو اینڈ ویڈیو شیئرنگ ایپ انسٹاگرام پر مداحوں کو یہ خوشخبری دی ہے کہ ان کے ہاں دوسری بیٹی کی پیدائش ہوئی ہے۔
نومولود کے ننھے قدموں کی دلکش تصویر شیئر کرتے ہوئے اداکارہ نے بتایا کہ ان کے گھر یہ خوشی 19 ستمبر کو پہنچی ہے۔ اس طلاع کے سامنے آتے ہی بالی ووڈ شخصیات، عزیز و اقارب اور دنیا بھر میں پھیلے مداحوں کی جانب سے مبارکباد اور نیک خواہشات کا تانتتا بندھ گیا ہے۔
واضح رہے کہ شوبز کے اس رنگ رنگیلے جوڑے کی شادی نومبر 2018 میں ہوئی تھی، جبکہ اس جوڑے کے ہاں پہلی بیٹی ’دعا‘ کی پیدائش 8 ستمبر 2024 کو ہوئی تھی۔ اب دوسری بیٹی کی آمد پر مداحوں اور فلمی حلقوں میں جشن کا سا سماں ہے۔