میاں چنوں (رپورٹ: عاصم کمال) میاں چنوں میں افسوسناک واقعہ پیش آیا ہے جہاں نجی کالج کا فرسٹ ایئر کا طالب علم طلال چھٹی کے وقت چیمہ بس میں سوار ہوتے ہوئے نیچے گر کر جاں بحق ہو گیا۔
-
چھٹی کے وقت بس پر سوار ہوتے ہوئے طالب علم نیچے گر کر شدید زخمی ہو گیا۔ ساتھی طلبہ کا الزام ہے کہ طلال کنڈیکٹر کے مبینہ دھکے کے باعث بس سے نیچے گرا۔
-
شدید زخمی حالت میں طلال کو فوری طور پر ہسپتال منتقل کیا گیا، تاہم وہ زخموں کی تاب نہ لاتے ہوئے جانبر نہ ہو سکا۔
-
طالب علم کی ہلاکت کی خبر پھیلتے ہی ساتھی طلبہ میں غم و غصے کی لہر دوڑ گئی اور انہوں نے شدید احتجاج کیا۔
احتجاج کرنے والے طلبہ نے انتظامیہ اور پولیس سے واقعے کی شفاف و غیر جانبدارانہ تحقیقات کرنے اور ذمہ دار کنڈیکٹر و بس عملے کے خلاف سخت قانونی کارروائی کا مطالبہ کیا ہے۔