سیالکوٹ ۔سلیم احمد اعوان شیخو
سیشن عدالت سیالکوٹ سے قتل کے مقدمہ میں ملوث ایک ملزم کو سزائے موت اور دو ملزمان کو شک کا فائدہ دے کر بری کر دیا گیا۔بتایا گیا ہے کہ سیشن جج سیالکوٹ ارشد جاوید کی عدالت میں تھانہ اگوکی کے علاقہ رویل گڑھا کا ایک قتل کا مقدمہ زیر سماعت تھا۔فاضل جج نے مقدمہ کی سماعت مکمل ہونے کے بعد ملزم رضوان عرف رضوان جانا کو سزائے موت اور 5 لاکھ روپے مقتول کے ورثاء کو بطور معاوضہ ادا کرنے کا حکم سنایا۔عدم ادائیگی معاوضہ کی صورت میں رضوان کو مزید 6 ماہ قید بھگتنا ہو گی۔فاضل جج نے دو ملزمان محمد انور اور محمد اسلم کو شک کا فائدہ دے کر بری کر دیا۔استغاثہ کے مطابق ملزمان نے 28 جنوری 2024ء کو ادھار رقم مانگنے پر فائرنگ کرکے فیصل شہزاد کو جان سے مار دیا تھا۔استغاثہ کی پیروی وکیل چودہری جواد شوکت نے کی۔