نوابشاہ (رپورٹ: نفیس آرائیں)
کمشنر شہید بینظیر آباد ڈویژن غلام قادر خان تالپور کی زیرِ صدارت ڈویژنل ٹاسک فورس برائے پولیو کا اجلاس کمشنر آفس میں منعقد ہوا، جس میں ڈویژن کے اضلاع (شہید بینظیر آباد، سانگھڑ اور نوشہرو فیروز) میں انسدادِ پولیو مہم کی تیاریوں، ائیکرو پلان اور سیکیورٹی کا تفصیلی جائزہ لیا گیا۔ڈویژن بھر میں خصوصی انسدادِ پولیو مہم 21 سے 24 ستمبر تک جاری رہے گی۔مہم کے دوران 5 سال سے کم عمر کے 10 لاکھ 10 ہزار 449 بچوں کو پولیو کے قطرے پلانے کا ہدف مقرر کیا گیا ہے۔مہم کی کامیابی کے لیے مجموعی طور پر 3,235 موبائل، 213 فکسڈ اور 91 ٹرانزٹ ٹیمیں تشکیل دی گئی ہیں۔5 سال سے کم عمر کے ہر بچے تک قطرے پلانے کی رسائی یقینی بنائی جائے اور حساس و دور دراز علاقوں پر خصوصی توجہ دی جائے۔ضلعی انتظامیہ، پولیس اور محکمہ صحت کو فیلڈ ورکرز کو فول پروف سیکیورٹی اور تمام ضروری سہولیات فراہم کرنے کی ہدایت کی گئی۔والدین، علماء، اساتذہ اور سماجی نمائندوں سے اپیل کی گئی کہ وہ اس قومی مہم میں اپنا بھرپور کردار ادا کریں۔