اسلام آباد / مظفرآباد:پاکستان مسلم لیگ (ن) کے صدر اور سابق وزیر اعظم محمد نواز شریف نے آزاد ریاست جموں و کشمیر کے صدارتی منصب کے لیے اہم اور حتمی فیصلہ کرتے ہوئے ڈاکٹر محمد نجیب نقی خان کو صدرِ آزاد کشمیر کے عہدے کے لیے باضابطہ طور پر نامزد کر دیا ہے۔
پاکستان مسلم لیگ (ن) کے صدر جناب محمد نواز شریف نے ڈاکٹر محمد نجیب نقی خان صاحب کو آزاد ریاست جموں وکشمیر کے صدر کے منصب پر نامزد کیا ہے اور انہیں صدر آزاد جموں وکشمیر کے عہدے کے لئے کاغذات نامزدگی جمع کرانے کی ہدایت کی ہے۔ جماعت اور اس کی قیادت کی جانب سے ڈاکٹر محمد نجیب نقی کو…
— Marriyum Aurangzeb (@Marriyum_A) September 16, 2026
مسلم لیگ (ن) کی قیادت کی جانب سے ڈاکٹر محمد نجیب نقی خان کو ہدایت کی گئی ہے کہ وہ اس اعلیٰ ترین منصب کے حصول کے لیے اپنے کاغذاتِ نامزدگی فوری طور پر جمع کرائیں۔ اس اہم سیاسی پیشرفت کے بعد آزاد کشمیر کے سیاسی حلقوں میں ہلچل مچ گئی ہے، اور توقع کی جا رہی ہے کہ ان کی نامزدگی سے خطے میں پارٹی پوزیشن مزید مستحکم ہوگی۔