رپورٹ: نفیس آرائیں (بیورو رپورٹ، نواب شاہ)
سانگھڑ پولیس نے فوری کارروائی کرتے ہوئے مبینہ طور پر اغوا کیے گئے سابق صوبائی وزیر علی حسن چانھیو کو باحفاظت بازیاب کرا لیا ہے۔
ذرائع کے مطابق علی حسن چانھیو کو آج صبح کھپرو میں واقع ان کی رہائش گاہ سے مسلح افراد نے مبینہ طور پر اغوا کیا تھا۔ مسلح ملزمان نے کارروائی کے دوران ان کے سیکیورٹی گارڈز کو شدید تشدد کا نشانہ بنایا اور علی حسن چانھیو کو زبردستی اپنے ساتھ لے گئے۔
واقعے کی اہم تفصیلا ت:
-
مقدمہ درج: واقعے کا مقدمہ سانگھڑ تھانے میں درج کر لیا گیا ہے، جس میں انسدادِ دہشت گردی اور اغوا سمیت مختلف دفعات (365-A, 324, 452, 34 PPC) شامل کی گئی ہیں۔
-
ابتدائی تفتیش: پولیس ذرائع کا کہنا ہے کہ ابتدائی اطلاعات کے مطابق یہ واقعہ مبینہ طور پر مالی لین دین کے تنازع کا شاخسانہ معلوم ہوتا ہے۔
پولیس معاملے کے تمام پہلوؤں کا جائزہ لے رہی ہے اور واقعے کی مزید باریک بینی سے تفتیش جاری ہے۔