میاں چنوں: رپورٹ: عاصم کمال (بینقاب نیوز)
میاں چنوں کے علاقے خورشید ٹاؤن روڈ پر ایچ اے گارڈن کے سامنے ڈکیتی کی مبینہ واردات پیش آئی ہے، جہاں شہری کی مزاحمت اور ہاتھ پائی کے بعد دو ڈاکو اپنا موٹر سائیکل اور پسٹل موقع پر ہی چھوڑ کر فصلوں میں فرار ہو گئے۔
ابتدائی اطلاعات کے مطابق فرار ہوتے وقت ڈاکو شہری کا موبائل فون اپنے ساتھ لے جانے میں کامیاب ہو گئے۔
واقعے کی اطلاع ملتے ہی پولیس نے موقع پر پہنچ کر کارروائی کا آغاز کر دیا ہے۔ پولیس تمام پہلوؤں کا جائزہ لے رہی ہے کہ آیا یہ ڈکیتی کی کوشش تھی یا ذاتی جھگڑے کا شاخسانہ۔ واقعے کے حوالے سے پولیس کی مزید تفصیلات اور تحقیقاتی رپورٹ کا انتظار ہے۔