مٹیاری رپورٹ عامر علی انڑ
مٹیاری کی تعصیل نیو سعید آباد ونجھیری شریف میں پیر منور علی شاہ کی میزبانی میں ایکشن کمیٹی ضلع مٹیاری کے صدر بہار علی سہتو کی سالگرہ کی تقریب منعقد کی گئی، جس میں سالگرہ کا کیک کاٹا گیا۔ اس تقریب کا عنوان "سندھ کی تقسیم نامنظور” رکھا گیا تھا۔
کیک کاٹنے کے بعد سندھ کی تقسیم کے خلاف ایکشن کمیٹی ضلع مٹیاری کے رہنماؤں نے تقریریں کرتے ہوئے سندھ میں مزید صوبے بنانے اور سندھ کی وحدت کو توڑنے کو ایک سازش قرار دیا۔
تقریب میں ایکشن کمیٹی کے جنرل سیکرٹری سلمان علی لغاری، نائب صدر پیر منور علی شاہ، ظفر علی پنہور، یاسین نظامانی، عاقب لغاری، محمد اسلم حاجانو، معشوق حاجانو، بخش علی بابر، راشد بابر، بلاول شاہ، حسنین شاہ اور دیگر رہنماؤں نے شرکت کی۔
تقریب کے اختتام پر ایکشن کمیٹی ضلع مٹیاری کے صدر بہار علی سہتو کو اجرک/لونگیاں پہنائی گئیں اور تحائف پیش کیے گئے۔ اس کے ساتھ ساتھ ان کی لمبی عمر، صحت اور سلامتی کے لیے نیک تمناؤں کے ساتھ دعائیں بھی مانگی گئیں۔