انڈونیشین نیول چیف کی فیلڈ مارشل عاصم منیر سے ملاقات، دوطرفہ دفاعی تعاون پر تبادلہ خیال

چیف آف دی انڈونیشین نیوی ایڈمرل ڈاکٹر محمد علی نے جی ایچ کیو راولپنڈی میں چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے ملاقات کی، جس کے دوران باہمی دلچسپی کے امور، علاقائی سلامتی اور دوطرفہ دفاعی تعاون پر تبادلہ خیال کیا گیا۔
آئی ایس پی آرکی جانب سے جاری بیان کے مطابق دونوں جانب سے موجودہ عسکری تعلقات پر اطمینان کا اظہار اور تعاون کو مزید مضبوط بنانے کے عزم کا اعادہ کیا گیا، تعاون کو بالخصوص پیشہ ورانہ تربیت، دفاعی تعاون اور مشترکہ مشقوں کے شعبوں میں مزید مضبوط بنانے کے عزم کا اعادہ کیا گیا۔ چیف آف آرمی اسٹاف و چیف آف ڈیفنس فورسز نے انڈونیشیا کے ساتھ دیرینہ اور برادرانہ تعلقات کو مزید مضبوط بنانے کے پاکستان کے عزم کا اعادہ کیا، چیف آف آرمی اسٹاف و چیف آف ڈیفنس فورسز نے بالخصوص دفاع اور سلامتی کے شعبوں میں تعلقات کو مزید مضبوط بنانے کے عزم کا اعادہ کیا۔
آئی ایس پی آر نے کے مطابق ایڈمرل ڈاکٹر محمد علی نے پاک فوج کی پیشہ ورانہ مہارت کو سراہا،ایڈمرل ڈاکٹر محمد علی نے علاقائی امن اور استحکام کے لیے پاک فوج کی خدمات کا اعتراف کیا۔