مٹیاری رپورٹ عامر علی انڑ
مٹیاری کی تعصیل ہالا کے نواحی گاؤں سادھاڻ میں سماجی شخصیات دودو ڈاہری، آفتاب ڈاہری اور وزیر ڈاہری کی کوششوں سے عالمگیر ویلفیئر ٹرسٹ اور جامع مدرسہ منصورہ ہالا کے مشترکہ تعاون سے مفت میڈیکل کیمپ کا انعقاد کیا گیا۔میڈیکل کیمپ میں ڈاکٹر عبدالخالق بھگیو اور ڈاکٹر رام لوہانا نے شرکت کی اور گاؤں کے رہائشیوں سمیت مختلف بیماریوں میں مبتلا مریضوں کا مفت طبی معائنہ کیا۔ اس موقع پر مریضوں کو ڈاکٹروں کی جانب سے طبی مشورے دینے کے ساتھ ساتھ مفت ادویات بھی فراہم کی گئیں۔گاؤں کے رہائشیوں نے مفت طبی کیمپ کے انعقاد پر سماجی شخصیات، عالمگیر ویلفیئر ٹرسٹ اور جامع مدرسہ منصورہ ہالا کی انتظامیہ کو سراہتے ہوئے کہا کہ ایسی فلاحی سرگرمیاں غریب اور مستحق افراد کے لیے بڑی مدد کا باعث بنتی ہیں۔