امریکا ایران مذاکرات میں عدم پیشرفت:عالمی منڈی میں تیل کی قیمتوں میں بڑا اضافہ

لندن / واشنگٹن: عالمی مارکیٹ میں منگل کے روز تیل کی قیمتوں میں نمایاں اضافہ ریکارڈ کیا گیا ہے۔
عالمی خبر رساں ادارے کی رپورٹ کے مطابق، تجارتی سرگرمیوں کے آغاز پر ہی بین الاقوامی مارکیٹ میں برینٹ (Brent) خام تیل کی قیمت بڑھ کر 88 ڈالر فی بیرل ہو گئی ہے جبکہ امریکی خام تیل (US crude) کی قیمت 82.45 ڈالر فی بیرل تک جا پہنچی ہے۔
دونوں بڑے بینچ مارک آئل ریٹس میں گزشتہ روز (پیر کے روز) تقریباً 5 فیصد کا زبردست اچھال دیکھنے میں آیا تھا، جس کی بنیادی وجہ امریکا اور ایران کے درمیان کشیدگی میں ہونے والا نیا اضافہ ہے۔
یہ صورتحال اس وقت پیدا ہوئی جب امریکی صدر ڈونلڈ ٹرمپ نے ایران کی جانب سے امن معاہدے کے لیے پیش کی جانے والی شرائط کے جواب میں اپنے سخت مطالبات سامنے رکھ دیے۔ صدر ٹرمپ کے اس ردعمل کے بعد دنیا بھر میں تیل کی ترسیل کے سب سے اہم ترین بحری راستے آبنائے ہرمز (Strait of Hormuz) کو دوبارہ کھولنے کی کوششیں مزید پیچیدہ ہو گئی ہیں، جس کے براہ راست اثرات عالمی منڈی اور