مورو(رپورٹ محمد اسلم مغل)
قومی شاہراہ پر تاج پیٹرول پمپ کے قریب تیز رفتار ٹرالر نے موٹر سائیکل کو ٹکر مار دی جس کے نتیجے میں موٹر سائیکل سوار نوجوان موقع پر ہی جاں بحق ہو گیا۔جاں بحق ہونے والے نوجوان کی شناخت آصف علی شاہ کے نام سے ہوئی ہے۔ وہ بھریا سٹی کے علاقے گاؤں کوٹ بہادر شاہ کا رہائشی تھا اور مورو سے اپنے گاؤں جا رہا تھا۔عینی شاہدین کے مطابق ٹرالر کی ٹکر کے بعد نوجوان ٹرالر کے نیچے آ گیا۔ لاش کو فوری طور پر مورو اسپتال منتقل کیا گیا جہاں ڈاکٹرز نے اس کی موت کی تصدیق کر دی۔ قانونی کارروائی مکمل کرنے کے بعد لاش ورثاء کے حوالے کر دی گئی۔پولیس کے مطابق حادثے کے بعد ٹرالر ڈرائیور موقع سے فرار ہو گیا۔ پولیس نے ٹرالر کو اپنی تحویل میں لے لیا ہے۔ واقعے کی رپورٹ درس تھانے میں درج کر لی گئی ہے۔