سیالکوٹ۔سلیم احمد اعوان شیخو
دریائے چناب میں بھارت کی طرف بگلیہار ڈیم سے 3 روز بعد دوبارہ پانی چھوڑ دیا گیا۔بتایا گیا ہے کہ تین روز قبل دو سپل ویز کے برعکس تین سپل ویز کے ذریعے پانی کا اخراج کیا گیا ہے۔ دریائے چناب کے بالائی طاس علاقوں میں موسلا دھار بارشوں کے باعث ڈیم سے اضافی پانی کا اخراج کیا گیا ہے۔بگلیہار ڈیم سے پانی چھوڑے جانے کے بعد ایک دفعہ پھر سلال ڈیم کے ذریعے مزید پانی ہیڈ مرالہ چھوڑے جانے کا خدشہ پیدا ہو گیا ہے۔فلڈ فارکاسٹنگ ڈویژن نے اگلے 24 گھنٹوں کے دوران ہیڈ مرالہ پر نچلے سے درمیانے درجے کے سیلاب کا الرٹ جاری کر رکھا ہے۔ہیڈ مرالہ پر پانی کی امد 93 ہزار کیو سک جبکہ اخراج 76 ہزار کیوسک ریکارڈ کیا گیا ہے۔