لاہور:پنجاب میں گندم کی نئی قیمت 3ہزار800روپے فی من مقررکردی گئی،پنجاب کابینہ کی منظوری کے بعد گندم کی ریلیز پرائس کا نیا ریٹ جاری کیاگیا، نوٹیفکیشن محکمہ فوڈ سیفٹی اینڈکنزیومر پروٹیکشن پنجاب کی جانب سے جاری کیاگیا۔
ترجمان محکمہ فوڈ سیفٹی کاکہنا ہے کہ وفاق نے حکومت پنجاب کو پاسکو سے گندم خریدنے کی فوری ہدایت کردی،پنجاب کو گندم کی 3لاکھ میٹرک ٹن فراہمی کی منظوری دے دی گئی،محکمہ فوڈ سیفٹی پنجاب پاسکو سے 2لاکھ میٹرک ٹن گندم پہلے ہی حاصل کرچکا ہے۔ترجمان کے مطابق پاسکو کی جانب سے گندم کی فی من قیمت4ہزار150روپے مقرر ہے،یہ فیصلہ صوبے میں آٹے اور گندم کی بلاتعطل فراہمی یقینی بنانے کیلئے کیاگیا، پاسکو سے گندم کی فراہمی سے صوبے میں آٹا اور قیمت مستحکم ہوگی،روٹی کی فراہمی 15روپے میں یقینی بنائی جائے گی۔
ترجمان کا مزیدکہناتھا کہ حکومت پنجاب نے 8لاکھ میٹرک ٹن مانگ کے مقابلے میں 5لاکھ 33ہزار440میٹرک ٹن گندم مختص کی ہے،وزارت قومی غذائی تحفظ نے حکومت پنجاب کو خریداری شیڈول اورایڈوائس ادائیگی فوری جمع کرانے کاحکم دیدیا۔