منچن آباد (بیورو چیف حاجی فضل محمودانجم سے)
تحصیل ہیڈکوارٹر ہسپتال منچن آباد میں مبینہ طور پر غلط انجکشن لگنے کے بعد ایک معصوم بچے کے جاں بحق ہونے کے واقعے نے پورے علاقے کو سوگ اور غم و غصے کی کیفیت میں مبتلا کر دیا۔ذرائع کے مطابق، واقعے کی اطلاع ملتے ہی سیکرٹری ہیلتھ پنجاب نے فوری نوٹس لیتے ہوئے ہسپتال منچن آباد کے میڈیکل سپرنٹنڈنٹ (ایم ایس) کا ضلع جہلم کی تحصیل پنڈ دادن خان تبادلہ کر دیا۔واقعے کے بعد شہریوں اور مختلف سماجی حلقوں نے مطالبہ کیا ہے کہ واقعے کی مکمل، شفاف اور غیرجانبدارانہ تحقیقات کر کے اگر کسی قسم کی غفلت یا کوتاہی ثابت ہوتی ہے تو ذمہ دار افراد کو قانون کے مطابق سخت سزا دی جائے تاکہ آئندہ ایسے افسوسناک واقعات دوبارہ پیش نہ آئیں۔ادھر محکمہ صحت کے ذرائع کے مطابق واقعے کی تحقیقات جاری ہیں، جبکہ حتمی رپورٹ آنے کے بعد مزید محکمانہ کارروائی متوقع ہے۔ اس وقت تک بچے کی ہلاکت کی وجہ اور کسی فرد کی ذمہ داری کا حتمی تعین سرکاری تحقیقات کے بعد ہی ہوگا۔