سیالکوٹ(سلیم احمد اعوان شیخو)
ڈپٹی کمشنر سیالکوٹ اویس مشتاق نے ڈسٹرکٹ پولیس آفیسر دوست محمد کے ہمراہ چہلم حضرت امام حسین رض کے سلسلہ میں نکالے جانے والے مرکزی جلوس کے روٹ کا تفصیلی معائنہ کیا۔ مرکزی جلوس اڈا پسروریاں سے آغاز کرے گا اور اپنے روایتی راستوں سے گزرتا ہوا دوبارہ اڈا پسروریاں پر اختتام پذیر ہوگا۔معائنے کے دوران اسسٹنٹ کمشنر سٹی رانا صفدر شبیر،چیف آفیسر میونسپل کارپوریشن زبیر وٹو، واسا، ریسکو 1122، پولیس اور دیگر متعلقہ محکموں کے افیسران بھی موجود تھے۔ متعلقہ افیسران نے ڈپٹی کمشنر کو جلوس کے روٹ، سیکورٹی پلان، ٹریفک مینجمنٹ، صفائی ستھرائی، لائٹنگ، بیریئرز، ایمرجنسی رسپانس اور یگر انتظامات کے حوالے سے تفصیلی بریفنگ دی۔
ڈپٹی کمشنر اویس مشتاق نے ہدایت کی کہ جلوس کے روٹ پر صفائی ستھرائی کے بہترین انتظامات کو بروقت مکمل کیا جائے، سٹریٹ لائٹس، سیوریج اور دیگر شہری سہولیات کو مکمل طور پر فعال رکھا جائے جبکہ بارش کی صورت میں بارشی پانی کی فوری نکاسی کو ہر صورت یقینی بنایا جائے تاکہ عزاداروں کو کسی قسم کی دشواری کا سامنا نہ کرنا پڑے۔ انہوں نے واسا اور میونسپل کارپوریشن کے افیسران کو ہدایت کی کہ ضروری مشینری، عملہ اور ہنگامی ٹیمیں جلوس کے دوران الرٹ رہیں۔