بلوچستان رحمت اللہ بلوچ بیوروچیف بے نقاب نیوز)
مگسی ہاؤس کوئٹہ میں ڈسٹرکٹ ایجوکیشن آفیسر جھل مگسی، قرۃ العین مگسی نے سینئر صوبائی وزیر نوابزادہ میر طارق خان مگسی سے اہم ملاقات کیملاقات میں میر مہر اللہ خان مگسی، پرسنل سیکرٹری ممتاز علی مگسی اور عبدالرحیم مگسی بھی شریک تھے۔اس موقع پرقرۃ العین مگسی نے ضلع جھل مگسی میں محکمہ تعلیم کی مجموعی کارکردگی، درپیش مسائل، جاری ترقیاتی منصوبوں اور تعلیمی نظام کی بہتری کے لیے کیے جانے والے اقدامات پر سینئر صوبائی وزیر کو تفصیلی بریفنگ دی۔سینئر صوبائی وزیر نوابزادہ میر طارق خان مگسی نے گفتگو کرتے ہوئے کہا کہ تعلیم حکومت کی اولین ترجیحات میں شامل ہے اور ضلع جھل مگسی میں تعلیمی سہولیات کی بہتری کے لیے ہر ممکن وسائل بروئے کار لائے جائیں گےمیرٹ کی بالادستی کو ہر صورت یقینی بنایا جائے گا تاکہ محکمہ تعلیم میں شفافیت، انصاف اور بہتر کارکردگی کو فروغ دیا جا سکے۔ا ضلع جھل مگسی کے لیے ایک سرکاری بس فراہم کر دی گئی ہے، جبکہ آئندہ چند روز میں گنداوا کے لیے بھی سرکاری بس کی سہولت مہیا کر دی جائے گی، جس سے طلبہ، اساتذہ اور عوام کو آمدورفت میں نمایاں سہولت حاصل ہوگی۔ملاقات خوشگوار ماحول میں اختتام پذیر ہوئی، جس میں ضلع جھل مگسی میں تعلیمی شعبے کی مزید ترقی اور عوام کو بہتر سہولیات کی فراہمی کے عزم کا اعادہ کیا گیا۔