سیالکوٹ ۔ سلیم احمد اعوان شیخو
بورڈ آف انٹرمیڈیٹ اینڈ سیکنڈری ایجوکیشن گوجرانولہ میں شادی کی چھٹی پر گئی خاتون ملازم پر سیکرٹری آفس نے پیڈا ایکٹ کے تحت کارروائی شروع کر دی ہے۔بتایا گیا ہے کہ مذکورہ بورڈ میں تعینات خاتون راحت کے مطابق وہ باقاعدہ چھٹی لے کر اپنی شادی پر گئی تھی کہ ایڈمن افس میں تعینات غفار نے مبینہ طور پر اسے نوٹس جاری کر دیا جو کہ اس کے گھر میں نہ پہنچا ایڈمن برانچ نے مبینہ طور پر اس کے خلاف پیڈا ایکٹ کے تحت کارروائی کا آغاز کر دیا۔ یہ معاملہ لے کر جب وہ سیکرٹری بورڈ کے پاس گئی تو مذکورہ سیکرٹری نے زبانی طور پر حکم دیا یہ پیڈا ایکٹ کے تحت کارروائی غلط ہے لیکن اس کے باوجود کارروائی تا حال جاری ہے راحت کے مطابق ایک نامعلوم شخص کی درخواست پر ان کے خلاف نوٹس بھیجنا اور پیڈا ایکٹ کے تحت کارروائی کرنا ہراسگی کے زمرہ میں آتا ہے سیکرٹری ہائر ایجوکیشن پنجاب فوری طور پر کارروائی کرتے ہوئے مذکورہ سیکرٹری اور ایڈمن افیسر غفار کے خلاف کاروائی کاروائی کریں۔