چکوال: رپورٹ: جلیل نقوی
چکوال: انفورسمنٹ افسر انسپکٹر محمد عثمان جمیل نے ذاتی مصروفیات کے باعث پیرا فورس اسٹیشن تحصیل چکوال سے اپنا تبادلہ حسن ابدال کروا لیا ہے۔ وہ اپنے دورِ تعیناتی کے دوران پیشہ ورانہ صلاحیت، دیانت داری اور خوش اخلاقی کے باعث ساتھی اہلکاروں اور عوام میں قدر کی نگاہ سے دیکھے جاتے رہے۔ انہوں نے اپنی ذمہ داریاں نہایت محنت، فرض شناسی اور نظم و ضبط کے ساتھ انجام دیں اور مختلف انتظامی امور میں بھرپور کردار ادا کیا۔ ان کے تبادلے پر ساتھی افسران، دوست احباب اور مقامی حلقوں نے ان کی خدمات کو سراہتے ہوئے نیک تمناؤں کا اظہار کیا اور امید ظاہر کی کہ وہ حسن ابدال میں بھی اپنی پیشہ ورانہ صلاحیتوں کے ذریعے محکمہ اور عوام کی بہترین انداز میں خدمت جاری رکھیں گے۔