سانگھڑ:بیوروچیف بے نقاب نیوز)
دو روز قبل بے نظیر انکم سپورٹ پروگرام () کے مستحق خاندانوں کی رقوم میں مبینہ کٹوتی کے الزام میں گرفتار ہونے والے میان کے رہائشی عبداللہ لانڈر کی پولیس لاک اپ میں طبیعت خراب ہونے پر اسے سول اسپتال سانگھڑ منتقل کیا گیا، جہاں دورانِ علاج وہ انتقال کر گیا۔دوسری جانب متوفی کے ورثا نے سول اسپتال سانگھڑ میں احتجاج کرتے ہوئے الزام عائد کیا کہ سی آئی اے انچارج زاہد حسین کمبوہ نے عبداللہ لانڈر کو بلاوجہ رکشے سے اتار کر گرفتار کیا، اس کے خلاف بے بنیاد مقدمہ درج کیا اور دورانِ حراست مبینہ تشدد کا نشانہ بنایا، جس کے باعث اس کی موت واقع ہوئی۔
ورثا نے ایس ایس پی سانگھڑ سے مطالبہ کیا ہے کہ واقعے کی غیر جانبدارانہ اور شفاف تحقیقات کرائی جائیں، ذمہ داروں کا تعین کرکے قانون کے مطابق کارروائی کی جائے اور انہیں انصاف فراہم کیا جائے۔ ایس ایچ او سانگھڑ گلزار مری کی جانب سے دعویٰ سامنے آیا ھے کہ رات کو عبداللہ لانڈر کی اچانک طعبت خراب ھونے پر سول اسپتال منتقل کیا گیا تھا جس کی سی ڈی ٹی وی فوٹیج بھی موجود ھے